کلکتہ : انصاف نیوز آن لائن
مغربی بنگال میں کالی گنج کے باراچند گڑھ گاؤں کے مولانڈی علاقے میں پیر کو ضمنی انتخابات کے نتائج کا جشن منانے والے ترنمول کانگریس کے کارکنان کے ذریعہ ایک گھر پر خام بم پھینکے جانے کی وجہ سے ایک 10سالہ لڑکی جس کا نام تمنا خان تھا کی موت ہوگئی ہے۔
نابالغ لڑکی کی ماں شبینہ یاسمین نےاپنی بیٹی کی موت کے لیے ترنمول کانگریس کو ذمہ دار ٹھہراتے ہوئےکہاکہ انہوں نے ایسا اس لیے کیا کیونکہ ہم نے انہیں ووٹ نہیں دیا تھا۔متوفی کا خاندان سی پی آئی (ایم) کے مشہور حامی تھے، اس کی وجہ سے مبینہ طور پر ترنمول کانگریس کے حامیوں نے ان کے گھر پر بم حملہ کیا۔
شبینہ نے ایف آئی آر درج کراتے ہوئے اس حملے کیلئے چار افراد کو نامزد کیا ہے جن کے نام آدار شیخ ، کالو شیخ، منور شیخ انور شیخ ہے۔ان چاروں افراد کو کالی گنج پولیس نے گرفتار کیا ہے اور ان پر فسادات، مہلک ہتھیاروں کے استعمال، قتل کی کوشش، اور ایکسپلوسیو سبسٹینس ایکٹ کی دفعہ 3 اور 4 کے تحت جرائم کا الزام لگایا گیا ہے۔
In incident of explosion at Molandi, Borochandghar under Kaliganj police station area, which led to death of a minor girl, 4 prime accused persons were arrested yesterday- Adar Sk, Manowar Sk, Kalu Sk and Anwar Sk.
Kaliganj PS Case No. 534/25 dt 23.06.25 u/s…
— Krishnanagar Police District (@KrishnanagarPD) June 24, 2025
انتخابات کے دوران ترنمول کانگریس کے کارکنان کے ذریعہ تشدد کئے جانے پر سخت تنقیدوں کے دوران مغربی بنگال کی وزیر اعلیٰ ممتا بنرجی نے سوشل میڈیا ایکس پر اس واقعے پر لکھا ہے کہ’’میں کرشنا نگر پولس ضلع کے باروچندگر میں ایک دھماکے میں ایک نوجوان لڑکی کی موت پر صدمے اور غمزدہ ہوں۔ میری دعائیں اور غم کی اس گھڑی میں خاندان کے ساتھ ہیں۔
I am shocked and deeply saddened at the death of a young girl in an explosion at Barochandgar in Krishnanagar police district. My prayers and thoughts are with the family in their hour of grief.
Police shall take strong and decisive legal action against the culprits at the…
— Mamata Banerjee (@MamataOfficial) June 23, 2025
انہوں نے پوسٹ میں لکھا ہے کہ ’’پولیس جلد از جلد مجرموں کے خلاف سخت اور فیصلہ کن قانونی کارروائی کرے گی‘‘۔
متوفی کی والدہ نے کہا کہ الیکشن کے بعد تشدد کے خوف کی وجہ سے اس نے اپنی بیٹی کو اسکول نہیں جانے دیا تھا۔انہوں نے کہا کہ مغربی بنگال میں انتخابات کے دوران تشدد کے واقعات ایک معمول کا واقعہ ہے، لیکن یہ توقع نہیں تھی کہ تشدد ان کے گھر تک پہنچ جائے گا۔
غمزدہ ماں نے کہاکہ ’’میں نے اپنی بیٹی کو اسکول جانے کی اجازت نہیں دی، اس ڈر سے کہ تشدد ہو جائے گا۔ ہم نہانے کے لیے جا رہے تھے جب ہم پر بم پھینکے گئے۔ وہ آئے اور اسے ہمارے گھر کے اندر قتل کر دیا۔
انگریزی اخبار دی ہندو نے اپنی رپورٹ میں لکھا ہے کہ مولانڈی میں گھروں پر کئی خام بم پھینکے گئے، کئی گھروںکے چھتوں اور دیواروں پر نشانات نظر آئے ہیں۔
اپوزیشن لیڈروں نے ترنمول کانگریس کے فتح جلوس کے دوران بم پھینکے جانے پر سخت تنقید کی ہے۔
سی پی آئی (ایم) کے ریاستی سکریٹری محمد سلیم نے متوفی لڑکی کی لاش کا ایک ویڈیو شیئر کرتے ہوئے لکھا ہےیہ ترنمو کانگریس کے غنڈوں کی بربریت کا نمونہ ہے‘‘۔
سی پی آئی (ایم) کے جنرل سکریٹری ایم اے بے بی نے اس واقعہ پر صدمے کا اظہار کرتے ہوئے الزام لگایا ہے کہ یہ بنگال میں ٹی ایم سی کی حکمرانی کی ایک واضح حقیقت ہے۔ ہم تمنا کے خاندان کے ساتھ کھڑے ہیں اور انصاف کا مطالبہ کرتے ہیں‘‘۔
Shocked by the brutal killing of 10-year-old Tamanna Khatun in Kaliganj due to a bomb blast during TMC's victory procession. This is a stark reality of TMC rule in Bengal. We stand with Tamanna's family & demand justice!
— M A Baby (@MABABYCPIM) June 23, 2025
دریں اثنا اس واقعے کے بعد ندیا اور کلکتہ میں احتجاج ہوئے ہیں۔ڈی وائی ایف آئی کی ریاستی صدر میناکشی مکھرجی نے ندیا کے پلاسی میں احتجاج کیا ہے۔
ضمنی انتخابات میں ترنمول کانگریس کی امیدوار الیفہ احمد کی زبردست جیت ہوئی ہے، انہوں نے اپنے قریبی حریف بی جے پی کے آشیش گھوش کو 50ہزار سے ووٹوںسے شکست سے دوچار کیا ہے۔سی پی آئی (ایم) کے حمایت یافتہ کانگریس امیدوار قابیل الدین شیخ کو تیسرے نمبر پر رہے۔
কালিগঞ্জে তৃণমূলের বিজয়োল্লাস খুন করলো দশ বছরের তামান্না খাতুনকে। pic.twitter.com/ASxPnXoWlV
— Minakshi Mukherjee (@MinakshiMukher8) June 23, 2025
مغربی بنگال میں تشدد کے واقعات کی ایک تاریخ رہی ہے۔2021 میں اسمبلی انتخابات کے نتائج کاکے بعد 50 افراد کی موت ہوگئی ہے۔اسی طرح 2023 میں پنچایت انتخابات کے بعد 40 افرادتشدد کے واقعات میں ہلاک ہوگئے تھے۔
