گوہاٹی :اسکرول ڈاٹ کام کے شکریہ کے ساتھ
خیر الاسلام نے ایک بنگلہ دیشی صحافی کو بتایا کہ اس کے ساتھ 13 دیگر’’ مبینہ غیر ملکیوں‘‘ کو بی ایس ایف کے جوانو ںنے حراستی کیمپ سے اٹھایا اور انہیں بنگلہ دیش کی سرحد پر ڈھکیل دیا۔جب کہ ان کے مقدمات سپریم کورٹ میں زیر التوار تھا
اسام کے موریگاؤں ضلع سے تعلق رکھنے والے ایک 51 سالہ سابق سرکاری استاد، جنہیں جمعہ کی رات ان کے گھر سے سرحدی پولیس نے اٹھایا، کو بنگلہ دیش کی سرحد پر بھارتی علاقے سے باہر دھکیل دیا گیا، یہ دعویٰ ایک بنگلہ دیشی صحافی کی طرف سے منگل کو فیس بک پر پوسٹ کی گئی ویڈیو میں کیا گیا ہے۔
بنگلہ دیش کے رنگ پور ڈویژن سے تعلق رکھنے والے صحافی مصطفیٰ زر تارا کی ریکارڈ کردہ ویڈیو میں خیر الاسلام نے الزام لگایا کہ وہ 14 افراد میں شامل تھے جنہیں منگل کی صبح بھارت کی بارڈر سیکیورٹی فورسیس (بی ایس ایف) نے بنگلہ دیش میں دھکیل دیا۔ان کا کہنا ہے کہ وہ اور دیگر افراد دونوں ممالک کے درمیان نو مینز لینڈ میں ہیں۔ویڈیو میں اسلام بنگلہ دیش کے کریگرام ضلع کے کسی میدان میں کھڑے ہیں، اس کی تصدیق ضلع کے سپرنٹنڈنٹ آف پولیس محمد محفوظ الرحمٰن نے کی ہے۔
خیر الاسلام نے بنگلہ دیشی صحافی سے کہا کہ ’’میں نے آسام پولس کو بتایا کہ میں ایک استاد ہوں اور میرا احترام کیا جانا چاہیے۔ ’میرے ہاتھ چور کی طرح باندھے گئے اور مجھے بس میں بٹھایا گیا۔ صبح تقریباً 4 بجے، میں یہاں پہنچا۔ کل 14 افراد کو بی ایس ایف نے بنگلہ دیش میں دھکیل دیا’’۔
گزشتہ دسمبر تک تھینگسالی کھنڈاپکھوری پرائمری اسکول میں سرکاری استاد رہنے والے اسلام کو 2016 میں ایک ٹریبونل نے غیر ملکی قرار دیا تھا۔ٹریبونل کے فیصلے کو 2018 میں گوہاٹی ہائی کورٹ نے برقرار رکھا۔ اسلام کو مٹیا حراستی مرکز میں رکھا گیا، جہاں انہوں نے دو سال گزارے اور اگست 2020 میں ضمانت پر رہا ہوئے۔ ہائی کورٹ کے فیصلے کے خلاف ان کی اپیل سپریم کورٹ میں زیر التوا ہے۔
اسکرول کی رپورٹر رقیب الزمان نے لکھا ہے کہ ’’عدالت کے ریکارڈ کے مطابق، اسلام کے مقدمے کی آخری سماعت 17 دسمبر 2024 کو سپریم کورٹ میں ہوئی۔23 مئی کو خیر الاسلام کو موریگاؤں ضلع کے کھنڈاپکھوری گاؤں سے ان کے گھر سے آسام پولیس نے اٹھایا۔ وہ 14 افراد میں شامل تھے، جنہیں اسام کے غیر ملکی ٹریبونلوں نے غیر ملکی قرار دیا تھا، اور انہیں موریگاؤں اور جورہاٹ اضلاع سے دوبارہ گرفتار کر کے مٹیا حراستی کیمپ بھیجا گیا۔
غیر ملکی ٹریبونل آسام کے منفرد نیم عدالتی ادارے ہیں، جو شہریت کے معاملات پر فیصلہ کرتے ہیں۔ ان پر من مانی اور تعصب کے الزامات لگتے رہے ہیں، اور لوگوں کو معمولی ہجے کی غلطیوں، دستاویزات کی کمی یا یادداشت کے خلا کی بنیاد پر غیر ملکی قرار دیا جاتا ہے۔
خیرالاسلام نے ہفتہ کو آسام میں صحافیوں سے بات کرتے ہوئے کہاکہ جب انہیں مٹیا حراستی مرکز لے جایا جا رہا تھاکہا کہ کہا کہ میں یہاں پیدا ہوا، میرے والد اور والدہ بھی یہاں پیدا ہوئے۔میں ایک اسکول ٹیچر ہوں۔ میں نے یہاں اسکولنگ اور کالج کیا۔ انہوں نے بغیر کسی جرم کے مجھے غیر ملکی قرار دیا۔ میں سو بار کہہ رہا ہوں کہ میں آسامی ہوں۔
بنگلہ دیش میں، اسلام نے صحافی کو بتایا کہ پیر کو تقریباً 3 بجے، انہیں مٹیا حراستی کیمپ سے زبردستی لے جایا گیا۔
مٹیا کیمپ کے ایک شخص، جس نے حفاظتی خدشات کی وجہ سے اپنا نام ظاہر نہیںکرنے کی درخواست کی نے اسکرول کو پیر کی شام بتایا کہ کئی قیدیوں کو تین بسوں میں بٹھایا گیا، جن کی آنکھوں پر پٹی باندھی گئی تھی۔ “سرحدی پولیس اور مرکزی فورسز ان کے لیے آئی تھیں۔اسلام نے بنگلہ دیشی صحافی سے کہاکہ چونکہ میں آنے کے لیے تیار نہیں تھا، انہوں نے مجھے شدید مارا پیٹا۔اسلام کے اہل خانہ نے اسکرول کو تصدیق کی کہ ویڈیو میں موجود شخص وہ خود ہیں۔ ان کی بیوی ریتا خانم ویڈیو دیکھ کر رو پڑیں۔ اورکہا کہ ’’جب مقدمہ سپریم کورٹ میں زیر التوا ہے تو وہ یہ کیسے کر سکتے ہیں؟۔
10 مئی کو، اسام کے وزیر اعلیٰ ہیمنتا بسوا سرما نے اعلان کیا تھا کہ اسام کے میٹا حراستی مرکز کے کئی قیدیوں — روہنگیا پناہ گزینوں اور بنگلہ دیش سے غیر دستاویزی تارکین وطن — کو بھارتی حکومت کے قومی آپریشن کے حصے کے طور پر بنگلہ دیش میں “واپس دھکیل دیا” گیا ہے۔
بنگلہ دیشی نیوز ویب سائٹ جاگو نیوز کی ایک رپورٹ کے مطابق، کریگرام ضلع کے بورائی باری سرحد پر “واپس دھکیلنے” کی کوشش کو بارڈر گارڈ بنگلہ دیش نے روک دیا۔
رپورٹ میں ’متعدد ذرائع‘‘کا حوالہ دیتے ہوئے دعویٰ کیا گیا کہ آسام سے 14 افراد — جن میں پانچ خواتین شامل ہیں — اب دونوں ممالک کے درمیان نو مینز لینڈ میں پھنسے ہوئے ہیں۔
رووماری پولیس اسٹیشن کے انچارج لطفار، جس میں بورائی باری گاؤں شامل ہے، نے بتایا کہ منگل کی صبح بھارت سے 14 افراد نو مینز لینڈ میں پائے گئے ہیں۔اسکرول نے لکھا ہے کہ وفاقی وزارت داخلہ، بارڈر سیکیورٹی فورس، اسام کے ڈائریکٹر جنرل آف پولیس اور اسام کے چیف سیکریٹری کو رپورٹس کے جواب کے لیے پیغامات بھیجے ہیں۔ اگر وہ جواب دیتے ہیں تو کہانی اپ ڈیٹ کی جائے گی۔
بی ایس ایف کے پبلک ریلیشنز آفیسر کی طرف سے جاری کردہ ایک بیان میں مبینہ طور پر غیر ملکیوں کی بے دخلی کے بارے میں رپورٹس کا ذکر نہیں کیا گیا۔ اس کے بجائے، اس میں کہا گیا کہ 27 مئی کی صبح، بی ایس ایف نے آسام کے ساؤتھ سالمارا منکاچار ضلع میں ہندوستان-بنگلہ دیش سرحد پر بنگلہ دیشی شہریوں کے ایک بڑے گروپ کی دراندازی کی کوشش کو ناکام بنا دیا’’
