انصاف نیوز آن لائن :
فوٹو جرنلسٹ ویلری زنک، جنہوں نے آٹھ سال تک دنیا کی مشہور ترین رائٹرز نیوز ایجنسی کے لیے بطور اسٹنگر کام کررہی تھیںنے اپنے عہدے سے استعفیٰ دے دیا ہے۔انہوں نے غزہ میں اسرائیل کے قتل عا م پر رائٹر ز کی رپورٹنگ پر سوال کھڑا کرتے کہا کہ رائٹرس مسلسل اسرائیل کے جرائم کو چھپانے کی کوشش کررہی ہے۔انہوں نے غزہ کی کوریج اور 245 صحافیوں کے ’’منظم قتل کو جائز قرار دینے اور اسے ممکن بنانے‘‘ میں ایجنسی کے کردار کی مذمت کی ہے۔ انہوں نے لکھا ہے کہ رائٹرزمحصور علاقے میں صحافیوں کے ساتھ غداری کررہا ہے۔
زنک نے کہاکہ میں نے گزشتہ آٹھ سالوں میں رائٹرز کے لیے جو کام کیا ہے اس کی قدر کی گئی ہے لیکن اس وقت میں اس پریس کارڈ کو شرم کے گہرے احساس اور غم کے علاوہ کسی اور جذبے کے ساتھ نہیں دیکھ سکتی ہوں۔
زنک نے بتایا کہ پریری صوبوں سے متعلق ان کی تصاویر نیویارک ٹائمز، الجزیرہ اور شمالی امریکہ، ایشیا اور یورپ کے دیگر میڈیا اداروں نے شائع کی ہے۔ اس کے باوجود انہوں نے وضاحت کی کہ غزہ میں 245 صحافیوں کے منظم قتل کو جائز قرار دینے اور اسے ممکن بنانے میں رائٹرز کے کردار کی وجہ سے میرے لیے رائٹرز کے ساتھ تعلق برقرار رکھنا ناممکن ہو گیا ہے۔
صحافی لکھتی ہیں کہ میں فلسطین میں اپنے ساتھیوں کی کم از کم اس قدر اور اس سے کہیں زیادہ مقروض ہوں۔”
زنک نے 10 اگست کو غزہ شہر میں انس الشریف اور الجزیرہ کے عملے کے قتل کے بعد رائٹرز کی رپورٹنگ کی مذمت کی۔ انہوں نے کہا کہ ایجنسی نے اسرائیل کے مکمل طور پر بے بنیاد دعوے کو شائع کیا کہ الشریف حماس کا ایک کارندہ تھا۔جب کہ یہ اسرائیل کے لاتعداد جھوٹ میں سے ایک جسے رائٹرز جیسے میڈیا اداروں نے وفاداری سے دہرایا اور اسرائیل کو بدنامی سے بچانے کی کوشش کی ہے
I can’t in good conscience continue to work for Reuters given their betrayal of journalists in Gaza and culpability in the assassination of 245 our colleagues. pic.twitter.com/WO6tjHqDIU
— Valerie Zink (@valeriezink) August 26, 2025
یہاں تک کہ کمیٹی ٹو پروٹیکٹ جرنلسٹس (CPJ) نے بھی الجزیرہ کے نمائندے انس الشریف کے لیے گہری تشویش کا اظہار کیا ہے، جنہیں غزہ سے 650 سے زائد دنوں کی فرنٹ لائن رپورٹنگ کے بعد، اسرائیلی فوج نے ایک “خطرناک بدنامی مہم” میں نشانہ بنایا، اور انہیں حماس کا رکن قرار دیا۔
ان تشویش کے باوجود، کچھ مغربی میڈیا اداروں نے الشریف کی موت کی خبر اسرائیل کے ان دعووں کے حوالے سے دی کہ وہ حماس کا کارندہ”تھے۔
انہوں نے نوٹ کیا کہ رائٹرز کے کیمرا مین حسام المصری سمیت پانچ مزید صحافی، ناصر ہسپتال پر ایک حملے میں ہلاک ہونے والے 20 افراد میں شامل تھے، جسے ایک “ڈبل ٹیپ” حملہ کہا جاتا ہے۔
زنک کے مطابق، مغربی میڈیا نے ایسے ماحول کو فروغ دینے میں اپنا حصہ ڈالا ہے جس میں ایسے حملے ہوتے ہیں۔ انہوں نے ڈراپ سائٹ نیوز کے صحافی جیریمی اسکیہل کے حوالے سے کہاکہ نیویارک ٹائمز سے واشنگٹن پوسٹ تک، اے پی سے رائٹرز تک ہر بڑے ادارے نے اسرائیلی پروپیگنڈا کے لیے ایک کنویئر بیلٹ کا کام کیا ہے، جنگی جرائم کو صاف کر رہا ہے اور متاثرین کو غیر انسانی بنا رہا ہے، اپنے ساتھیوں اور سچی اور اخلاقی رپورٹنگ کے اپنے مبینہ عزم کو ترک کر رہا ہے۔
زنک نے لکھا ہے کہ مغربی میڈیا اسرائیل کی نسل کشی کی من گھڑت کہانیوں کو بغیر کسی جانچ کئے بغیر من و عن شائع کررہا ہے ۔جان بوجھ کر صحافت کی سب سے بنیادی ذمہ داری کو ترک کردیا گیا ہے۔
انہوں نے دلیل دی کہ یہ ملی بھگت ’’ایک چھوٹی سی پٹی پر دو سالوں میں پہلی اور دوسری عالمی جنگ، اور کوریا، ویتنام، افغانستان، یوگوسلاویہ اور یوکرین کی جنگوں میں مجموعی طور پر مارے جانے والے صحافیوں سے زیادہ صحافیوں کے قتل کو ممکن بنا چکی ہے۔ اس کے ساتھ ساتھ غزہ کی آبادی پر وسیع تر انسانی مصائب بھی ہیں۔
انس الشریف کے معاملے پر، زنک نے رائٹرز پر تنقید کرتے ہوئے کہا کہ ان کے پولیٹیزر انعام یافتہ صحافی انس شریف کے کام نے بھی انہیں مجبور نہیں کیا کہ جب اسرائیلی قابض فوجوں نے انہیں حماس اور اسلامی جہاد کے عسکریت پسند ہونے کا الزام لگانے والے صحافیوں کی ‘ہٹ لسٹ میں شامل کیا تو وہ ان کے دفاع میں آئیں۔ انہوں نے مزید کہا کہ اس نے انہیں مجبور نہیں کیا کہ جب انہوں نے بین الاقوامی میڈیا سے تحفظ کی اپیل کی تو وہ ان کے دفاع میں آئیں… اور نہ ہی اس نے انہیں مجبور کیا کہ جب ہفتوں بعد ان کا شکار کرکے انہیں قتل کیا گیا تو وہ ان کی موت کی ایمانداری سے رپورٹ کریں۔
غزہ کے صحافیوں کی ہمت پر غور کرتے ہوئے، زنک نے زور دیا، “میں نہیں جانتی کہ غزہ میں صحافیوں کی ہمت اور قربانی کا احترام کرنے کا کیا مطلب ہے، جو اب تک کے سب سے بہادر اور بہترین لوگ ہیں، لیکن آگے بڑھتے ہوئے میں جو بھی تعاون دے سکتی ہوں اسے اسی سوچ کے ساتھ دوں گی۔
25 اگست تک، اکتوبر 2023 میں اسرائیل کی بمباری شروع ہونے کے بعد سے 246 صحافی مارے جا چکے ہیں، جو جدید تاریخ میں صحافیوں کے لیے سب سے مہلک دور ہے، جس میں واضح طور پر جان بوجھ کر نشانہ بنایا گیا ہے۔
