کلکتہ : انصاف نیوز آن لائن
ملک کے سب سے بڑے اسکول بورڈ سینٹرل بورڈ آف سیکنڈری ایجوکیشن (سی بی ایس ای) نے طلبا کو ہندی اور انگریزی کے علاوہ کسی بھی زبان میں بورڈ کے امتحانات کے جواب لکھنے سے منع کردیا ہے۔اس فیصلے سے مولانا آزاد نیشنل اردو یونیورسٹی (MANUU) کےتحت چلنے والے اردو میڈیم اسکول بھی زد میں آگئے ہیں۔
حیدرآباد، نوح (ہریانہ) اور دربھنگہ (بہار) میںمولانا آزاد نیشنل اردو یونیورسٹی کے زیر انتظام اردو میڈیم اسکول چلتے ہیں اور یہ اسکول سی بی ایس ای سے وابستہ ہیں، سی بی ایس سی زبان کے لحاظ سے کسی بھی ذریعہ کو سرکاری طور پر تسلیم نہیں کرتا ہے، بلکہ طلباء کو داخلہ فارم بھرتے وقت اپنی پسند کی زبان کا انتخاب کرنے کا اختیار دیتا ہے۔
سی بی ایس ای کی گورننگ باڈی نے جون میں فیصلہ کیا تھا کہ بورڈ کی اجازت کے بغیر ہندی اور انگریزی کے علاوہ کسی بھی زبان میں لکھے گئے جوابی پرچوں کی جانچ نہیں کی جائے گی۔ صرف دہلی کے اسکولوں کو اردو میڈیم اسکولوں میں اسکولی طلبا کو اردومیں جوابی پرچہ لکھنے کی اجازت ہوگی۔
بورڈ نے اس سال اپنے وجئے واڑہ علاقے کے تحت سی بی ایس ای سے کوئی اجازت حاصل کیے بغیر اردو میں جوابات لکھنے والے طلبا کا نوٹس دیگ تھا۔ یہ طلباء MANUU اسکولوں سے نہیں ہیں۔
سی بی ایس ای کی جی بی پی میٹنگ متعلقہ اسکول کو سی بی ایس ای کے علاقائی دفتر کی طرف سے نوٹس دیا گیا ہے کہ بورڈ کی منظوری کے بغیر ہندی یا انگریزی کے علاوہ دوسرے میڈیم میں جواب لکھنے والے طلباء کی جوابی کتابوں کی جانچ نہیں کی جائے گی۔ ان ہدایات کے باوجود،اگر کوئی طالب علم بورڈ کی پالیسی کے خلاف ہندی یا انگریزی کے علاوہ کسی دوسرے زبان میں جواب لکھتا ہے تو اس کا نتیجہ اس مضمون میں کوئی نمبر دیئے بغیر اعلان کیا جائے گا۔
MANUU نے 2010 میں تین ماڈل اسکول شروع کیے تھے۔ ان میں سے دو اسکولوں کے عہدیداروں نے بتایا کہ CBSE نے انہیں مکمل جانکاری میں لائے بغیر یہ فیصلہ کیا ہے۔ان کا کہنا تھا کہ MANUU اسکولوں کے طلباء کو 2020 تک انگریزی، ہندی اور اردو میں سوالیہ پرچے مل رہے تھے، 2021 سے بورڈ نے اردو میں سوالیہ پرچے فراہم کرنا بند کر دیا۔
گزشگتہ تین سالوں سے ان تینوں اسکولوں کے طلباء اردو میں اپنے جوابات لکھتے رہے حالانکہ سوالیہ پرچے انگریزی اور ہندی میں بھیجے گئے تھے۔ سی بی ایس ای کے تازہ فیصلے کے بعد اب ان اسکولوں کے طلبا کو اردو میں اپنے جوابات لکھنے کی اجازت نہیں ہوگی۔
MANUU اسکول کے ایک اہلکار نے کہاکہ سی بی ایس ای نے اردو میں بھی سوالیہ پرچے بھیجنے سے روکنے کا فیصلہ کرنے سے پہلے ہم سے کوئی بات چیت نہیں کی ہے۔ ہمارے طلباء کو سوالات کو سمجھنے میں دشواری کا سامنا ہے کیوں کہ انہوں نے اردو میڈیم اسکولوں میں پڑھا ہے۔ہم نے سی بی ایس ای کو طلباء کو درپیش مشکلات سے آگاہ کر دیا ہے۔ بورڈ ابھی تک مسئلہ حل نہیں کیا ہے۔
MANUU میں پولیٹیکل سائنس کے پروفیسر افروز عالم نے کہا کہ قومی تعلیمی پالیسی مادری زبان میں تعلیم کی وکالت کرتی ہے اور CBSE کے اقدامات NEP کی روح کے خلاف ہیں۔ انہوں نے کہاکہ ایک بار جب طلباء اردو میں سیکھنا شروع کر دیں، تو انہیں اس میڈیم میں امتحانات دینے کی اجازت دی جانی چاہیے۔ ان سے انگریزی یا ہندی میں لکھنے کے لیے کہنا ناانصافی ہو گی۔
سی بی ایس ای کے امتحانات کے کنٹرولر سنیم بھردواج نے انگریزی اخبار دی ٹیلی گراف کے ای میل کے جواب میں کہا کہ MANUU اسکولوں کو اردو میڈیم اسکول تسلیم کرنے سے انکار کردیا ہے۔صرف دہلی میں اردو میڈیم اسکول ہیں اور ان کی ضروریات کے مطابق سوالیہ پرچے اردو میں فراہم کیے جاتے ہیں۔
