آفاق حیدر
انصاف نیوز آن لائن
2011 کی مردم شماری کے مطابق ملک میں مسلمانوں کی آبادی 14.2 فیصد ہے۔ لیکن مرکزی حکومت کے ”قیدیوں کے شماریات آف انڈیا“کی رپورٹ کے مطابق2021 میں ملک کی قید آبادی میں مسلمانوں کا حصہ 30 فیصد سے زیادہ ہے۔ دوسرے لفظوں میں جیلوں میں مسلمانوں کی شرح اپنی آبادی سے دوگنی ہے۔
مرکزی حکومت کے فراہم کردہ اعدادوشمار کے مطابق 2021 میں ملک کی مختلف ریاستوں کی جیلوں میں چار قسم کے قیدی ہیں۔سزا یافتہ مجرم (کسی جرم کے مرتکب اور عدالت سے سزا یافتہ افراد)، زیر سماعت قیدی (فی الحال قانون کی عدالت میں زیر سماعت)، نظربند (قانونی حراست میں افراد) اور وہ لوگ جن کا ان تینوں زمروں میں سے کسی سے تعلق نہیں ہے۔ اور جو قیدیوں کی کل تعداد پر مشتمل ہے۔ اہم بات یہ ہے کہ مرکزی حکومت کے اعداد و شمار میں کہا گیا ہے کہ اگرچہ 31 دسمبر 2021 تک جیلوں میں مسلمانوں کی شرح 34فیصد ہے۔لیکن ریاست کی جیلوں میں سزا یافتہ اور زیر سماعت قیدیوں میں مسلمانوں کی تعداد ہندوؤں سے زیادہ ہے۔ آسام میں سزا یافتہ قیدیوں میں 60.51 فیصد مسلمان اور 36.51 فیصد ہندو ہیں۔ آسام میں زیر سماعت قیدیوں میں مسلمانوں کی شرح 49.31 فیصد ہے۔ تاہم زیر سماعت ہندوؤں کی شرح 47.27 فیصد ہے۔ گجرات، اتر پردیش، ہریانہ اور جموں و کشمیر ان ریاستوں میں شامل ہیں جہاں مسلمانوں کی قید کی شرح آبادی سے زیادہ ہے۔ جن ریاستوں میں بنیادی طور پر بی جے پی کی حکومت ہے یا مرکز ی حکومت کے تحت علاقے میں، مسلم قیدیوں کی شرح ریاست کی آبادی کی شرح سے زیادہ ہے۔
ہندوستان کے قیدیوں کے اعدادوشمار کے مطابق آسام میں 31 دسمبر 2021 تک مجرموں کی کل تعداد 2459 ہے۔ ان میں ہندو 898، مسلمان 1488، سکھ 45، عیسائی 13 اور دیگر 15 ہیں۔ آسام میں زیر سماعت قیدیوں کی کل تعداد 7620 ہے۔ ان میں ہندو 3602، مسلمان 3758، سکھ 86، عیسائی 28 اور دیگر 146 ہیں۔
گجرات میں مسلمانوں کی آبادی 9.67 فیصد ہے۔ لیکن جیل میں سزا یافتہ مسلمان قیدیوں کی شرح آبادی کا تقریباً تین گنا ہے، یعنی 19.39 فیصد۔ اور زیر سماعت قیدیوں کے معاملے میں گجرات میں مسلمانوں کی شرح 19.42 فیصد ہے۔ نہ صرف گجرات بلکہ بی جے پی کی حکومت والی دیگر ریاستوں میں بھی تقریباً یہی صورتحال ہے۔
کرناٹک میں مسلمانوں کی آبادی 12.92 فیصد ہے۔ لیکن وہاں کی جیلوں میں زیر سماعت قیدیوں میں مسلمانوں کی شرح 18.44 فیصد ہے۔ ہریانہ میں مسلمانوں کی آبادی 7.03 فیصد ہے۔ لیکن وہاں کی جیل میں سزا پانے والوں میں مسلمانوں کی شرح 12.68 فیصد ہے۔
اتراکھنڈ میں مسلمانوں کی آبادی 13.95 فیصد ہے۔ لیکن وہاں کی جیلوں میں سزا یافتہ قیدیوں میں مسلمانوں کی شرح 21.76 فیصد ہے۔ اور جیل میں زیر سماعت قیدیوں میں مسلمانوں کی شرح 29.67 فیصد ہے۔
دوسری طرف، مغربی بنگال میں، جہاں مسلمانوں کی آبادی 27.01 فیصد ہے، جیلوں میں قید 31.65 فیصد مسلمان ہیں۔ اور زیر سماعت قیدیوں میں مسلمانوں کی شرح بہت زیادہ یعنی 42.81 فیصد ہے۔
